Gid hamrohligi va tarjimonlik faoliyati (ingliz tili, fransuz tili, nemis tili)

Gid hamrohligi va tarjimonlik faoliyati (tillar bo'yicha) ta’lim yo‘nalishi bakalavrlarning kasbiy faoliyati quyidagilarni qamrab oladi: ekskursiya byurosi asosiy, ma’muriy-xo‘jalik va moliyaviy-iqtisodiy faoliyati ustidan umumiy rahbarlik faoliyati; ekskursiya byurosi tuzilmaviy bo‘linmalari ishini tashkillashtirish va hamkorligini yo‘lga qo‘yish; ishning kundalik va istiqbol rejalarini tasdiqlash va ularning ijrosi ustidan nazorat; ekskursiya marshrutlari dasturlari va texnologik hujjatlari ishlab chiqilishini tashkillashtirish; ekskursiya byurosi faoliyati bilan bog‘liq sharoitlarni belgilash va shartnomalar tuzish; ekskursiya byurosi ishidagi muammolar tahlili bo‘yicha ishlarni tashkillashtirish; ekskursiya bo‘limlari marketing strategiyasini shakllantirish; ekskursiya bo‘linmasi marketing rejasi va dasturini ishlab chiqish; ekskursiya bo‘linmasi marketing tannarx strategiyasini belgilash; tarjimonlik faoliyati; tarjimonlik va muharrirlik faoliyati; tashkiliy-boshqaruv faoliyat; OAVda tarjimonlik faoliyati; ilmiy-tadqiqot faoliyati; umumiy o‘rta, o‘rta-maxsus, kasb-hunar ta’limi tizimining mos ta’lim muassasalarida pedagogik faoliyat (qayta tayyorlashdan so‘ng). 5111500-Gid hamrohligi va tarjimonlik faoliyati (tillar bo'yicha) ta’lim yo‘nalishi bo‘yicha bakalavrlar kasbiy faoliyatlarining turlari: gid-hamrohlik faoliyati; tarjimonlik faoliyati; tarjimonlik va muharrirlik faoliyati; tashkiliy-boshqaruv faoliyati; OAV da tarjimonlik faoliyati; ilmiy-tadqiqot faoliyati; umumiy o‘rta, o‘rta-maxsus, kasb-hunar ta’limi tizimining mos ta’lim muassasalarida pedagogik faoliyat (qayta tayyorlashdan so‘ng).