✅Fakultet Menejeri

Menejer lavozimi xizmat vazifalari:

 

Har bir o‘tiladigan o‘quv mashg‘ulotlari oldidan o‘quv kabinetlarini o‘quv dasturlari va rejalariga asosan ko‘rgazmali o‘quv qurollari bilan ta’minlash hamda auditoriya fondini tahlil etib borish bo‘yicha ma’lumotlar tayyorlash va fakultet dekaniga ma’lumot kiritish;

Menejer dekanat hujjatlari va ma’lumotlarini ijrosini ta’minlash bo‘yicha holatlar yuzasidan fakultet dekani va dekan o‘rinbosariga ma’lumot tayyorlash;

Universitetning boshqa bo‘linmalaridan olingan topshiriq va hujjatlarni dekanga o‘z vaqtida yetkazish;

Fakultet dekaniga fuqarolar (talabalarning ota-onasi), talabalar va fakultetda faoliyat yuritayotgan xodimlarning murojaatlarni maxsus kitobga ro‘yxatga olish va to‘liq ijro etilishini monitoring qilish;

Buyurtmalar berish, tyutorlar va guruh murabbiylari bilan birgalikda talabalarning to‘lov-kontrakt pullarini amalga oshirish bo‘yicha ishlarga ko‘maklashish;

Fakultetda o‘tkaziladigan majlis bayonnomalarini umumlashtirish va arxivlashni rasmiylashtirish;

Dekanat faoliyatiga tegishli barcha dasturiy elektron tizimlarga ma’lumotlarni hamda ma’lumot-o‘zgarishlarni kiritilishini ta’minlash;

Talabalarning davomatni tahlil qilish, umumlashtirish va davomati past talabalar haqida fakultet dekaniga ma’umotlar kiritish;

Talabalarning fanlardan olgan baholarini har semestrda semestr qaydnomalariga o‘tkazishini tahlil qilib borish va arxivlash;

Pedagog kadrlar tomonidan o‘quv mashg‘ulotlarini aks ettiruvchi qaydnomalarni, talabalar o‘quv varaqalarini muntazam ravishda tekshirib borish va talabalar trayektoriyasi tuzib chiqish;

Fakultetda o‘tkaziladigan tadbirlarga auditoriyalar fondini taqsimlashga ko‘maklashish;

Pedagog kadrlar tomonidan bajariladigan o‘quv yuklamalarini bajarilishi bo‘yicha nazorat qilish va bu bo‘yicha ma’lumotlarni fakultet dekanini ma’lumot kiritish;

Fakultet 1-kurs talabalarini qabul qilish bo‘yicha senariysi (kredit haftasining grafigi)ni tuzib chiqish;

Bitiruvchi kurs talabalarining ish bilan ta’minlanganlik bo‘yicha monitoring olib borish va bu bo‘yicha fakultet dekaniga ma’lumot berish;

Fakultet xizmat va o‘quv xonalarini sanitariya-gigiyena holati va tozalikni saqlash ustidan nazorat qilish;

Bitiruvchi talabalarning shaxsiy hujjatlarini arxivga umumlashtirib topshirish;

Bilishi kerak:

O‘z faoliyatiga taalluqli Nizom, yo‘riqnomalar va me’yoriy hujjatlarni, OTM ichki tartib-qoidalari, me’yoriy hujjatlarni bilishi;

Menejer, dekanatning samarador faoliyati uchun kerakli hamma shart-sharoitlarni ta’minlash va dekanatda ishni tashkil etish uchun mas’uliyatga ega bo‘lishi lozim. Malakali bo‘lishi (AT, menejment muloqot, til bilish va fakultetga oid yo‘nalishlarni tushunishi), muloqotlarda va ko‘rgazmalarda axborot topshirish,  fakultetdagi jarayonlarni boshqarish qobiliyatlari bo‘lishi kerak.

O‘z mehnat vazifalarini halol, vijdonan bajarish, mehnat va ijro intizomiga rioya qilish;

 

Malaka talablari:

Namunaviy shaxsiy fazilatlarga-intellekt, kamida birta xorijiy tilni bilishi, madaniyatli, ijodiy qobiliyatlar, xushmuomalalik va tashabbuskorlik qobiliyatlariga ega bo‘lish, mas’uliyat hissi, mustaqil qaror qabul qilish va ish tutish, qat’iy harakat qilish xususiyatlariga ega bo‘lishi; OTM elektron tizimlarida ishlash ko‘nikmasi va tajribasi bo‘lishi lozim;

Oliy ma’lumotga ega bo‘lishi;

O‘z sohasiga tegishli masalalar bo‘yicha axborot va ma’lumotlardan xabardor bo‘lishi zarur.